A xerencia de Area Central pon a disposición de inversores, empresarios e comerciantes unha sección destinada a expoñer información sobre os diferentes locais dispoñibles cos que conta o complexo comercial en venda, aluguer ou traspaso.
Cómpre advertir que Area Central é unha comunidade de propietarios, polo que a xerencia do centro comercial non ten competencia directa no aluguer, traspaso ou venda dos locais; deste xeito, a súa función é meramente informativa: traslada aos interesados a dispoñibilidade dos locais e, no seu caso, ponos en contacto coa propiedade do local ou, cando menos, facilitaría dita posibilidade.
Os interesados poden obter información dos locais expostos nesta web e poñerse en contacto coa xerencia de Area Central co fin de facilitarlle o resto da información da que poida dispoñer nas súas oficinas; p.ex., máis detalles dos locais ou datos de contacto das axencias ou particulares que representan o mesmo. A información que se poida facilitar sobre algún local, ben nesta web ou a través dos datos que se proporcionen a maiores por correo electrónico ou telefónicamente, non suporá compromiso algún por ningunha das partes.
A xerencia de Area Central so contestará a aquelas solicitudes que faciliten os seus datos de contacto completos e que indiquen a actividade comercial que se pretende instalar no local obxecto de interese.
Para ampliar a información dalgún dos locais dispoñibles, pode poñerse en contacto coa xerencia de Area Central no enderezo marketing@acentral.com.