CONCURSO INFANTIL DE DISFRACES, ESTE SÁBADO EN AREA CENTRAL

Santiago, 13 de febreiro de 2012 – Para celebrar por todo o alto o Entroido, Area Central celebra o seu tradicional concurso infantil de disfraces este sábado 18, así como obradoiros infantís de elaboración de máscaras e traxes para o domingo 19 e o luns 20.

O concurso infantil de disfraces celebrarase este sábado 18 a partir das 18.00 horas no escenario principal do complexo comercial e servirá para que os rapaces participantes amose nos seus mellores traxes e a súa simpatía á hora de desfilar polo escenario de Area Central.

As bases do concurso establecen catro categorías: individual alevín (ata os 8 anos), individual infantil (de 9 a 12 anos), de parella (ata 12 anos) e de grupo (ata os 12 anos). A inscrición pódese formalizar o mesmo día do concurso, este sábado 18, desde as 16:00 horas ata quince minutos antes do inicio do desfile.