O SALÓN DE MANUALIDADES “DIDÁCTICA GALICIA 2010” CELÉBRASE DO 28 AO 30 DE MAIO EN AREA CENTRAL

Santiago, 21 de maio de 2010 – Area Central será a sede os vindeiros días 28, 29 e 30 de maio de “Didáctica Galicia 2010”, un salón de manualidades organizado pola empresa distribuidora Foamygal que servirá para promocionar o “Foamy (Goma Eva)”, un material co que se realizarán varias exhibicións e obradoiros continuos dirixidos a nenos, educadores e monitores.

O horario no que se pode visitar este salón os tres días, dende o venres 28 ata o domingo 30, será de 10.00 a 21.00 horas na esquina vermella de Area Central. O espazo constará dunha zona de exposición, un zona para exhibicións de técnicas de traballo deste novo material para o seu uso escolar en Galicia e outra zona para os obradoiros creativos permanentes para os pequenos da casa.

Pode ter máis información sobre as actividades de Area Central, na súa programación mensual.