AREA CENTRAL ABRE TODOS OS DOMINGOS DE DECEMBRO E OS DOUS PRIMEIROS DE XANEIRO

Santiago, 23 de novembro de 2009 – Os establecementos comerciais de Area Central abrirán todos os domingos de decembro para facilitar aos seus clientes as súas compras de cara á campaña de Nadal. Así, os domingos 6, 13, 20 e 27 de decembro os visitantes de Area Central atoparán os seus comercios abertos no seu horario habitual. Os establecementos de ocio e restauración tamén estarán abertos, incluso as xornadas festivas do luns 7 e o martes 8 de decembro.

Ademais, de cara ao vindeiro ano, os dous primeiros domingos de 2010, o 3 e o 10 de xaneiro, os visitantes de Area Central tamén atoparán abertos todos os establecementos do complexo comercial.  

O xoves 3 de decembro Area Central dará inicio ao seu programa de actividades de Nadal e Reis, con variados eventos que se concentrarán especialmente nos venres, sábados e domingos.