VOLVE ASTURIAS Ó CENTRO COMERCIAL AREA CENTRAL DO 8 Ó 18 DE SETEMBRO

Durante os 11 días que esta espectacular mostra que leva como título “ASTURIAS, PARAÍSO NATURAL” e se encadra dentro da campaña de promoción turística promovida pola Sociedade Rexional de Turismo asturiana, os nosos visitantes poderán coñecer todos os detalles desta antiga variante da Ruta Xacobea, e adentrarse nos aspectos máis salientables da xeografía e cultura asturianas, da mán das múltiples temáticas que engloba a exposición:

1.- Ponto de Información Turística: no que se facilitará toda a información de interese, así como acerca das diversas opcións de aloxamento e turismo que ofrece a rexión.

2.- Espacios Naturais: con información, a travéis de paneis explicativos, sobre os moitos enclaves naturais do Principado, dende os Picos de Europa, ata as Reservas Naturais.

3.- Marcas de Calidade: onde se poderán coñecer as tres marcas de calidade creadas recentemente polo Principado de Asturias: “Club de calidad `Casonas asturianas´”, “Mesas de Asturias”- Excelencia Gastronómica- e “Aldeas”- Calidad Rural.

4.- Saboreando Asturias: que mostrará o máis típico da gastronomía asturiana.

5.- Museo del Jurásico (MUJA): que constará dunha ilustrativa exposición acerca do xurásico asturiano e os restos paleontolóxicos de interese da zona, que se completa con información sobre o “Museo del Jurásico (MUJA)” e que incluirá unha reproducción da cabeza dun xigantosaurus.

6.- Camiño de Santiago: unha mostra acerca da Ruta Xacobea ó seu paso por Asturias, composta por unha serie de paneis explicativos no que se da conta, de modo gráfico e visual, da historia, percorrido e características do coñecido como “Camiño Norte”, e as súas variantes, pola costa ou polo interior do Principado, sendo esta última (denominada “Camiño Primitivo”) a vía utilizada polos pioneiros na peregrinación a Compostela.

7.- O mar: no que se mostrarán imaxes e elementos relacionados co mar en Asturias.

Paralelamente, se programarán distintos actos lúdicos e degustacións de productos típicos asturianos, que completarán esta atractiva mostra.