INICIACIÓN Á OBSERVACIÓN DOS ASTROS EN ÁREA CENTRAL.

Santiago, 22 de decembro de 2004. O Centro Comercial Area Central, en colaboración con Óptica Val e a Universidade de Santiago de Compostela, organiza un CURSO DE INICIACIÓN Á ASTRONOMÍA, que entre os días 27 a 30 de decembro, brindará a tódolos interesados no mundo dos astros a oportunidade de achegarse a esta interesante ciencia.

O curso, impartido polo Observatorio Astronómico Ramón María Aller, da Universidade de Santiago, constará de dúas partes, unha teórica, que terá lugar no Salón Social do Centro Comercial Area Central de 17:00 a 20:00 horas, na que se darán unas nocións de astronomía e observación planetaria e se realizará un obradoiro de montaxe de telescopios; e outra práctica, consistente nunha observación en exterior, ás 20:30, no miradoiro Parque Carlo Magno de Fontiñas.

Poderán participar tódolos interesados, a partir de 12 anos de idade, en grupos cun mínimo de 10 e un máximo de 20 persoas cada día, inscribíndose gratuitamente na cabina de información de Area Central, ou no establecemento de Óptica Val, sito no local 14 F do Centro Comercial.