AREA CENTRAL ACOLLE UNHA EXPOSICIÓN FOTOGRAFICA SOBRE A VIDA NOS CAMPAMENTOS DE REFUXIADOS SAHARAUIS

Dende o martes 11 de xaneiro, pódese visitar en Area Central a exposición fotográfica “Sáhara, vivindo como refuxiados no deserto, que o Centro Comercial acollerá ata o vindeiro mércores 19, en colaboración coa ONG “Solidariedade Internacional Galicia”.

Esta exposición itinerante, que ten como punto de partida Area Central, percorrerá Galicia nos próximos meses enmarcada na campaña do mesmo nome coa que Solidariedade Internacional pretende sensibilizar e dar a coñecer a situación na que se atopan os milleiros de refuxiados saharahuis que viven nos campamentos de refuxiados de Tindouf, e nela móstranse a través de preto dunha veintena de fotografías e paneis explicativos, diferentes imaxes da vida na hamada arxelina.

Ademáis, o sábado 15 de xaneiro, ás 6 da tarde, como complemento a esta actividade, realizarase unha sesión de conta contos, na que se narrarán distintas historias tradicionais saharauis.