BASES PARA O “VI CONCURSO FILLOA E ORELLA”
NO CENTRO COMERCIAL AREA CENTRAL

1.- Poderán participar, individualmente ou en grupo, tódalas persoas interesadas, có único requisito de non ser profesionais da hostalería.

2.- As inscripcións para o concurso realizaránse na cabina de información do centro comercial Area Central (981 560 845) e na emisora Radio Obradoiro (981 543 795), sendo a data límite para inscribirse as 22:00 horas do día 3 de Febreiro de 2005.

3.- O concurso terá lugar no Centro Comercial Area Central o venres 4 de Febreiro ás 19:00 horas.

4.- Haberá en concurso dúas categorías (filloas e orellas) e, dentro delas, se valorarán a filloa máis orixinal, a filloa máis saborosa, e a mellor orella, que recibirán como premio un trofeo e un agasallo; e tódolos participantes recibirán un regalo.

5.- A valoración dos pratos presentados e o fallo do concurso corresponderá a un xurado integrado por diversos profesionais do sector hostaleiro de Santiago de Compostela e do propio Centro Comercial Area Central.

6.- En ningún momento os premios serán canxeables por cartos, e será preciso estar presente durante o concurso para recolle-lo premio.

7.- As bases do concurso están expostas na cabina de información do Centro Comercial, na web www.areacentral.es e en Radio Obradoiro.

8.- A Organización resérvase o dereito a solucionar calquera conflicto que puidera derivar da súa interpretación.

9.- A participación nesta promoción supón a aceptación implícita destas bases.