O “VI CONCURSO DA FILLOA E A ORELLA” ABRE O PROGRAMA DE ENTROIDO DO CENTRO COMERCIAL

Santiago, 27 de xaneiro de 2005. O próximo venres 4 de febreiro, ás 7 da tarde, Area Central premiará un ano máis o labor de tódolos aficionados á cociña, neste consolidado certame gastronómico, que, realizado en colaboración con “El Correo Gallego” e Radio Obradoiro acada xa a súa sexta edición.

O concurso, que cada ano reúne a un maior número tanto de participantes como de curiosos interesados en coñecer novas e diferentes recetas destas tradicionais sobremesas, terá lugar na la primeira planta do Centro Comercial, e entrarán en xogo dous categorías: “filloas” e “orellas”, dentro das cales valoraranse a filloa máis orixinal, a máis saborosa e a mellor orella, que serán galardoadas cun premio e un trofeo.

Os participantes poderanse presentar a ambas categorías (“filloas” e “orellas”) e o fallo corresponderá a un experto xurado composto por distintos profesionais da hostalería e do propio Centro Comercial.

Para participar, tan so é necesario inscribirse antes das 22:00 horas do xoves 3 de febreiro, na cabina de información de Area Central ou en Radio Obradoiro a través do teléfono 981 543 795.

Toda a información necesaria para participar, pódese obter igualmente na cabina de información do Centro Comercial, no teléfono 981 543 795 ou consultando as bases, nesta mesma web.