AREA CENTRAL ACOLLERÁ UNHA EXPOSICIÓN FOTOGRÁFICA SOBRE A SEMANA SANTA.

Santiago, 14 de marzo de 2005. Do martes 15 ó martes 29 de marzo, a rúa comercial de Area Central albergará unha excelente colección fotográfica na que baixo o título de “LA PASIÓN”, os visitantes poderán contemplar as máis representativas esceas da Paixón de Cristo, realizadas polo escultor galego José Juan González García, e recollidas polo obxectivo do zaragozano Manuel Silva Suárez, catedrático de Inxeniería e fotógrafo amateur, autor das fotografías que integran a colección.

Esta espectacular mostra, que se traslada durante estes 15 días ata o Centro Comercial entregada pola Hermandad de Jesús Nazareno de Ponferrada, depositaria da exposición e dona das esculturas que se retratan nas mesmas, naceu dun xeito casual en torno ó ano 1996, cunhas primeiras fotografías domésticas no que o autor, plasmou o fervor do ambiente, que rodea ós desfiles procesionais da Semana Santa, nunha primeira serie de vintedúas fotografías, nas que recolle, dende lonxe, distintas perspectivas dos pasos e filas de nazarenos que os acompañan.

Poucos anos máis tarde, interesado pola figura do galego José Juan González, un dos principais escultores da confraría, e autor dalgunha das súas máis fermosas imaxes, realizou unha nova serie de 21 fotografías nas que deixa o entorno para achegarse ás propias esceas da Paixón esculpidas polo artista, ata os primeiros planos de moitos dos personaxes que se reflexan entre o patrimonio artístico da irmandade, rescatándoas dun certo anonimato a todas luces inmerecido.

Entre as preto de 50 fotografías, que integran o total da exposición, ademáis, os visitantes do centro, poderán contemplar retratadas unha decena de esculturas dos séculos XVI, XVIII e XIX, que sen dúbida darán boa conta do valor artístico desta espectacular colección.