O MEIRANDE “BOWLING” DE GALICIA INSTALARASE NO CENTRO COMERCIAL AREA CENTRAL

O Centro Comercial AREA CENTRAL, contará dende o vindeiro verán co maior “Bowling”, da comunidade galega.

Nos primeiros días de abril, acadouse un principio de acordo entre a empresa promotora do complexo “Area Central” e un grupo inversor compostelán para a futura instalación dunha bolera nun local ubicado nun dos sótanos do edificio. O local, cunha superficie total ó redor ós 2.000 m2 convertirase no meirande “Bowling” de Galicia, contará con máis de 10 pistas profesionais de bolos e cunha zona dedicada a cafetería, así como a outro tipo de usos e actividades.

Para o Centro Comercial AREA CENTRAL, supón algo máis que un novo establecemento, tanto polo seu tamaño (pasará a ser o terceiro establecemento por superficie despois do hipermercado e as salas multicine), como pola súa importancia estratéxica (pecha a cuadratura do “Círculo do Lecer”). Con esta nova incorporación, “o sector do lecer e a restauración” acada unha cifra próxima ós 8.000 m2 de superficie comercial, representando preto do 30% da S.B.A. de AREA CENTRAL, porcentaxe que vai en consonancia cas medias do sector.

Nas vindeiras semanas, procederase á elaboración do proxecto, así coma á tramitación das licencias oportunas, ca fin de comezar as obras no máis breve plazo posible, xa que as intencións dos promotores son inaugurar o novo establecemento despois do verán.

Os “Bowlings” comezáronse a popularizar en España a finais dos 90 ca súa incorporación ós Centros comerciales, e lograr así ser accesibles de xeito directo ó grande público, puidendo afirmarse a día de hoxe, que son norma xeral en calquera Centro Comercial de nova xeración que se prece. O feito de ser unha mistura de lecer/deporte, combinando as mellores tradicións do desfío deportivo cun ambiente seguro, amigable e divertido, fai que en países coma os EE.UU. exista unha media dunha pista de bolos por cada 1.500 habitantes. En España, os “Bowlings” supuxeron para os Centros Comerciais a cuadratura do “Círculo do Lecer”, xunto cas salas multicine, os parques de lecer infantil e os negocios de restauración rápida, facendo deles auténticos “centros de compras e de lecer familiar”.