DAN COMEZO OS DESFILES ELIMINATORIOS DO CONCURSO TOP MODEL AREA CENTRAL

Santiago, 18 de abril de 2005. O sábado 23, ás 20:00 horas, terá lugar no centro comercial o primeiro desfile eliminatorio da cuarta edición do certame TOP MODEL AREA CENTRAL.

Neste desfile, o primeiro grupo de candidatos a ser a imaxe de Area Central para este ano, formado por uns trinta mozos e mozas do centenar que superaron os castings de selección previos, subirán á pasarela instalada no Centro Comercial, onde mostrarán as propostas de moda para esta tempada que se poderán atopar nos establecementos DON VAQUERO, LÁTEX, MERCERÍA CARMEN, SURF FACTORY e JOSEPHIN, nun variado desfile no que lucirán dende a moda máis deportiva e desenfadada ata a máis elegante, para festa.