PRESENTACIÓN EN AREA CENTRAL DA “IV CAMIÑADA O MONTE PEDROSO” QUE ORGANIZA O CLUB DEPORTIVO FONTIÑAS

Santiago, 28 de setembro de 2005.. Onte tivo lugar a presentación da tradicional “Camiñada ó Monte Pedroso”, que este ano acada xa a súa cuarta edición, no salón social de Area Central. Nela estiveron presentes entre outros o Concelleiro de Deportes D.Manuel Portas, o Presidente do Club Deportivo Fontiñas D. Mariano Val e o Xerente de Area Central D.Juan Carlos Losada.

A camiñada terá lugar o próximo domingo día 2 de outubro, con saída as 9:30 dende a praza do Obradoiro, cun percorrido de 14km, tendo previsto rematala sobre as 14:30.Trátase dunha actividade gratuita, na que a xente que queira participar poderá inscribirse a partir das 9:00 na Praza do Obradoiro.

Igual que nas edicións anteriores, a marcha será guiada por membros da Sección de Senderismo e Montaña do Club Fontiñas, contando co apoio da Policía Local e da Agrupación de Protección Civil.

Todos os interesados en participar nesta camiñada, pódense poñer en contacto co Club Deportivo Fontiñas nos teléfonos 981 577 928 / 981 935 870 / 649 264 082, ou por correo electrónico cdfonti@mundo-R.com