GRAN ÉXITO DO MACRO SORTEO DE CESTAS DE NADAL DE AREA CENTRAL

Santiago, 19 de decembro de 2005.Miles de persoas acudiron o pasado fin de semana a Area Central, onde tivo lugar o xa tradicional macro sorteo de 101 Cestas de Nadal, co que o Centro Comercial quere premiar a fidelidade de tódolos seus clientes, no transcurso dunha espectacular gala musical, na que seis simpáticos Papá Nöeles foron os encargados de sacar un a un os números agraciados.

Este ano, a sorte foise principalmente para o propio barrio de Fontiñas que constitúe a maior parte dos clientes que visitan o Centro Comercial cada día, o resto dos premiados estiveron moi repartidos polos distintos puntos de Santiago e bisbarra, resultando agraciados veciños de San Lázaro, Castiñeiriño, Sar, Pontepedriña, Melide, Calo, Laraño, Dodro, Ames, O Pino, ou Negreira.

As cestas que non foron recollidas, entregáronse como en anos anteriores, a distintas entidades benéficas, entre as que se atopan a Cruz Vermella, Asociación Don Bosco, Cociña Económica e Cottolengo.