“AS PORTAS DO MILENIO” EN AREA CENTRAL.

Santiago, 20 de Xaneiro de 2006. O mércores 25 de Xaneiro, ás 12 da mañá, o alcalde de Santiago, D. Xosé Sánchez Bugallo, inaugurará nas rúas de Area Central a exposisición itinerante “AS PORTAS DO MILENIO”, organizada en colaboración con UNICEF ,Cruz Vermella e o Departamento de Educación e Mocidade do Concello de Santiago de Compostela.

Trátase dunha mostra de arte de Lucas Cipelleti, constituida por 16 esculturas que debuxan oito arcos. Cada escultura simboliza a un neno con grandes pes ancorados nos problemas do mundo. Cada arco representa o diálogo que xurde entre dous nenos, un orixinario dun país rico e outro dun país pobre, e como consecuencia desta interacción nace un Obxectivo do Milenio como solución para erradicar a extrema pobreza e asegurar un mundo mellor para todos.

“AS PORTAS DO MILENIO” expuxéronse en diferentes cidades de Italia. Na actualidade, están de xira por diferentes cidades de España, poidendo visitala ata o sábado día 18 de Febreiro en Area Central, en horario de 10:00 a 22:00 horas.

Ademáis, durante todo este tempo, levaranse a cabo diferentes actividades paralelas, que xunto ca exposición, terán como obxectivo concienciar a toda a cidadanía en xeral, e moi especialmente á poboación que descoñece a existencia e o significado dos Obxectivos do Milenio de Naciones Unidas.