AREA CENTRAL ACOLLEU O VII FORO DE ONGs

Santiago, 30 de Xaneiro de 2006. O pasado sábado día 28, máis de vinte ONGs déronse cita en Area Central con motivo do VII Foro de ONGs, organizado en colaboración co Departamento de Educación e Mocidade do Concello de Santiago de Compostela, xunto coa Coodinadora Galega de ONGs e outros colectivos. A xornada comezou ca degustación dun chocolate solidario, no que colaboraron a Asociación de Comercio Xusto e a Escola de Hostelería, seguido dun concerto da Banda Municipal de Música de Santiago de Compostela. O seu remate, a escritora Teresa Moure, autora da novela Herba Moura, galardonada co último Premio Xerais, fixo a lectura dun manifiesto. Ademáis, durante todo o día tiveron lugar sesións de contacontos, obradoiros, proxección de documentais e exposicións fotográficas.