I FEIRA DO LIBRO INFANTIL E XUVENIL GALEGO EN AREA CENTRAL

Santiago, 27 de Marzo de 2006. Area Central, en colaboración co “Consorcio Editorial Galego” e as editoriais “Baía Edicións”, “Sotelo Blanco” e “Edicións A Nosa Terra” organiza nas súas instalacións a “I Feira do Libro Infantil e Xuvenil Galego” que se celebrará os vindeiros días 31 de Marzo, 1 e 2 de Abril.

Esta feira nace como consecuencia do compromiso permanente de Area Central coa promoción da cultura e da lingua galega, posta xa de manifesto en repetidas ocasións como por exemplo co agasallo de libros de literatura infantil entre os cativos, a realización de obradoiros de lectura, sesións de conta contos ou de obras teatrais, ademáis da realización de outros eventos e accións de carácter formativo.

Así dende o venres 31 de Marzo e ata o domingo 2 de Abril, as persoas que se acheguen a Area Central poderán visitar dous grandes stands de venda de libros pertencentes as editoriais “Baía Edicións”, “Sotelo Blanco” e “Edicións A Nosa Terra”, nos que terán a oportunidade de ver e mercar as últimas novedades publicadas no sector adicado o libro infantil e xuvenil galego.

O programa previsto para estes días será o seguinte:

Venres 31 de Marzo:
-12:00 horas: Apertura da feira, exposición e venda de libros.
-18:00 horas: Inauguración oficial da feira, á que asistirán D. Néstor Rego, Concelleiro de Cultura do Concello de Santiago, D. Juan Carlos Losada, Xerente de Area Central, así coma os representantes das distintas editoriais.
-18:10 horas: Presentación dunha nova aventura dos Bolechas, “Unha noite en Compostela”. De seguido Pepe Carreiro, autor e ilustrador destos contos de A Nosa Terra, asinará libros e fará un obradoiro de animación á ilustración.
-22:00 horas: Peche da xornada de feira.

Sábado 1 de Abril:
-10:00 horas: Apertura da feira, exposición e venda de libros.
-17:30 horas: Presentación da adaptación infantil do libro de Baía Edicións, “Adiós ríos, adiós fontes”, de Rosalía de Castro, ilustrado por Rodrigo Chao Blanco.
-17:45 horas: Presentación da nova colección de Sotelo Blanco Edicións, “Uxía e os pillabáns”, escritos e ilustrados por Luís Ben.
-18:00 horas: Obradoiro infantil: Rodrigo Chao e Luís Ben farán un obradoiro creativo de ilustración, para ensinarlle ós rapaces como se crea un personaxe.
-19:00 horas: Contacontos: Anxo Fariña.
-22:00 horas: Peche da xornada de feira.

Domingo 2 de Abril:
-11:00 horas: Apertura da feira, exposición e venda de libros.
-17:00 horas: Contacontos e ludoteca
-20:00 horas: Clausura da I Feira do Libro Infantil e Xuvenil Galego.