AREA CENTRAL ORGANIZARÁ AS FESTAS SAN ANTON DE FONTIÑAS

Santiago, 3 de Xuño de 2006 . Despois dun ano sen celebración das Festas de San Antón de Fontiñas, Area Central retomará o testigo co fin de evitar a perda de tan entrañables festexos.
Area Central quere aproveitar para invitar a tódolos composteláns e en especial desexarlle a tódolos veciños de Fontiñas unhas felices festas.

O programa de actividades será o seguinte:

Sábado 10 de Xuño

10:00 horas: Exposición de pintura. Traballos feitos polos alumnos da Asociación de Veciños “As Fontes”. Ata o mércores día 14 de Xuño.

10:00 horas: Comezo do IV Torneo Fontiñas-San Antón de Fútbol Sala, que terá lugar o longo de toda a xornada no pavillón do IES Fontiñas (antigo FP)

14:30 horas: Sesión vermú amenizada pola orquestra Bruma de Vigo, na Praza Europa.

20:00 horas: Actuación da Asociación Sociocultural Alfaia.

21:00 horas: Elaboración e degustación dunha paella xigante na Praza Europa, elaborada polo prestixioso chef Miguel González Aguiar do Restaurante Algueirada de Santa Lucía.

22:00 horas: Gran verbena musical coa actuación da orquestra Bruma de Vigo, na Praza Europa.

Domingo 11 de Xuño

11:00 a 14:00 horas: Sala de Recreativos Ermasa, videoxogos gratuitos.

11:30 horas: Procesión do Rosario de San Antón, dende o edificio da Cruz Vermella ata a Igrexa Parroquial. A continuación Misa Solemne en honor ó Santo, oficiada polo párroco D. Ricardo Viqueira.

13:30 horas: Actuación do Grupo de Gaitas de Conxo.

20:00 horas: Final do IV Torneo Fontiñas San Antón de Fútbol Sala “Trofeo Area Central”, no pavillón do IES Fontiñas (antigo FP).