OS REIS MAGOS ATENDEN OS DESEXOS DOS NENOS EN ÁREA CENTRAL

Santiago,2 de xaneiro de 2007. A visita dos Reis Magos, dende o 2 ata o 5 de xaneiro, porá o punto e final do amplio programa de eventos e actividades que este ano organizou Área Central nas festas do Nadal, para encher de ledicia a todos os rapaces que visitan o Centro Comercial. Deste xeito, Melchor, Gaspar e Baltasar, acompañados dos seus paxes reais, estarán todas as tardes a partir das 17.00 horas ata as 21.00 horas para escoitar os desexos e peticións dos máis pequenos da casa.

As Súas Maxestades, recén chegados de Oriente, atenderán nos seus tronos, instalados na planta primeira de Área Central, aos rapaces, que recibirán moitos caramelos e terán a oportunidade de fotografarse con eles.

Todas as actividades deste Nadal en Área Central poden consultarse na programación mensual.