AS REBAIXAS DE ÁREA CENTRAL, ÉXITO ROTUNDO

Santiago, 10 de xaneiro de 2007. . Os primeiros días das rebaixas de inverno tiveron un grande éxito en Área Central. Preto de 30.000 persoas acudiron, soamente o domingo día 7, ao Complexo Comercial para realizar as súas primeiras compras das rebaixas, aproveitándose así dos importantes descontos que se poden atopar nalgúns dos establecementos de Área Central.

A apertura dos comercios o primeiro día das rebaixas atraeu a miles de persoas que encheron as tendas, producíndose importantes colas nas caixas dalgúns comercios xa nas primeiras horas da mañá. O período de rebaixas durará un máximo de dous meses.