EXHIBICIÓNS DE PATINAXE EXTREMO EN ÁREA CENTRAL

Santiago 21 de febreiro de 2007. Os visitantes de Área Central poderán disfrutar este fin de semana con varias demostracións de patinaxe extremo. O venres 23, ás 19.00 horas, e o sábado 24, dende ás 18.00 horas e en dobre sesión, un patinador encargarase de efectuar viravoltas arriscadas e perigosas baixadas por unha varanda de doce metros de longo, poñendo a proba o seu equilibrio e soltura no emprego dos patíns.
A actividade contén un elevado nivel de risco para o deportista, que ao longo de cada actuación irá aumentando o grado de dificultade das piruetas. Atracción, impacto e vistosidade únense neste evento que promete deixar coa boca aberta aos seus espectadores.

Todas as actividades de febreiro en Área Central poden consultarse na programación mensual.