EXITAZO DA PROMOCIÓN DE RYANAIR EN ÁREA CENTRAL

Santiago 26 de febreiro de 2007. A promoción que este luns 26 levou a cabo a compañía aérea Ryanair en Área Central soamente se pode calificar de “exitazo”. A aerolínea repartiu 200 billetes gratis (taxas non incluidas) para viaxar a Nottingham ou Liverpool. Os interesados debían presentarse a partir das 12.00 horas no posto de Ryanair instalado en Área Central, portando unha pancarta ou cartel no que se alabase o traballo de Ryanair por traer a Galicia unhas tarifas moi baixas en voos europeos.
Xa dende as 10.00 horas, moitas persoas paseaban polos pasillos de Área Central buscando o posto da compañía aérea para facer cola e asegurarse así o seu viaxe gratis a unha das dúas cidades inglesas. Deste xeito, ao longo da mañá ata o mediodía, moitas persoas fóronse congregando no lugar indicado para recoller os seus billetes, así como medios de comunicación, que quixeron inmortalizar a longa fila composta polos futuros viaxeiros e recoller as orixinais frases que portaban os seus carteis.