DERRADEIRO CASTING DE TOP MODEL AREA CENTRAL, O VENRES 13 DE ABRIL

Santiago 2 de Abril de 2007.Todos os mozos e mozas que queiran probar sorte no mundo da moda teñen unha última oportunidade para participar no certame de Top Model Area Central. O venres, 13 de abril, a partir das 18.00 horas, na esquina verde da planta primeira do complexo comercial celebrarase a última das probas de selección para participar nesta sexta edición do certame.

Así remata a fase de selección dos rapaces que participarán nos desfiles do concurso, despois de que nestas últimas semanas discotecas e pubs de varias cidades galegas acolleran varias probas de selección. Os interesados que queiran inscribirse neste último casting ou ter máis información sobre o concurso, poden visitar a web www.topmodelareacentral.es.