TOP MODEL AREA CENTRAL ARRANCA CO PRIMEIRO DOS DESFILES

Santiago 16 de Abril de 2007.O vindeiro sábado, 21 de abril, dará comezo en Area Central o concurso de Top Model co primeiro dos desfiles eliminatorios que se celebrarán para elexir a nova imaxe do complexo comercial. A partir das 20.00 horas, mozos e mozas desfilarán no escenario principal coas principais propostas de moda para a tempada primavera-verán das tendas de Area Central, mentres un xurado decide cales dos candidatos pasan a gran gala final do certame de Top Model.
Neste primeiro desfile concursarán preto de 40 candidatos que amosarán as últimas tendencias en moda e complementos das tendas Chus Aldrey, Latex, Surf Factory, Pepe Nieto e Mercería Carmen. Os participantes que desfilarán este sábado en Area Central foron elexidos despois das probas de selección que se celebraron en discotecas e pubs de varias cidades galegas, como Santiago, Ordes, Vigo e A Coruña. O último dos castings celebrouse o venres 13 de abril en Area Central.
Nos vindeiros días poderase consultar nesta web e en www.topmodelareacentral.com o listado dos participantes nos dous desfiles do concurso e coñecer así o nome dos candidatos a ser a imaxe do complexo comercial durante un ano.