A MARCA SKIP RODA UN ANUNCIO EN AREA CENTRAL

Santiago 26 de Abril de 2007.Mañá venres, dende as 10.00 horas e ata as 14.00 horas, a marca de deterxente Skip trasládase á esquina vermella de Area Central para grabar un anuncio de televisión, co obxectivo de presentar o seu novo producto de limpeza.
A realización deste spot publicitario, levada a cabo pola produtora galega “Fran Lorenzo P.C.”, permitirá que os clientes de Area Central no só poidan ver como se realiza unha rodaxe comercial, senón interactuar nel como público. As persoas que a el asistan, poderán verse como parte do anuncio a partir da semana que vén na cadena de televisión privada Telecinco.

Para a realización do spot, que se enmarca dentro da campaña “Pequeno pero poderoso”, a produtora galega instalará na esquina vermella de Area Central dende primeira hora da mañá unha quincena de lavadoras, coas que varias actrices farán a súa colada co novo Skip Líquido.