O PATINAXE DO C.D. FONTIÑAS PROTAGONIZA UNHA MOSTRA EN AREA CENTRAL

Santiago, 11 de xuño 2007.A sección de Patinaxe do Clube Deportivo Fontiñas reúne na exposición “Vida sobre rodas” diferentes materiais co obxectivo de plasmar a súa traxectoria nos seus catorce anos de existencia. A exposición, que se pode visitar en Area Central ata o vindeiro luns 18 de xuño, reúne fotografías, recortes de prensa e unha selección dos traxes empregados polos seus patinadores dende 1993. A mostra complétase coa exhibición dos seus trofeos e co visionado das coreografías coas que participaron en diferentes competicións.

A sección de Patinaxe do Clube Deportivo Fontiñas conta no seu palmarés con varios premios, entre eles cinco campionatos galegos na modalidade de grupos grandes. Ademais, participou no Campionato Español de Patinaxe celebrado en Vigo o pasado marzo, quedando en sétimo lugar.

Atoparás máis información sobre as actividades de Area Central na programación mensual.