AREA CENTRAL ACOLLE A EXPOSICIÓN “COMERCIO CON-SENTIDO”

Santiago, 15 de agosto 2007. A partir do vindeiro luns, 20 de agosto, Area Central acolle a exposición “Comercio con-sentido”, iniciativa de sensibilización organizada pola ONG Solidariedade Internacional que ten como obxectivo informar sobre o actual sistema de comercio internacional e as súas consecuencias sobre as poboacións máis empobrecidas do planeta.

A mostra, que se situará na esquina vermella de Area Central ata o vindeiro 1 de setembro, estará composta por paneis con varias ilustracións tipo comic nos que se da información sobre as regras que rexen o comercio internacional, exemplificado en cinco produtos de consumo habitual: o cacao, o café, o te, o azucre e o algodón.

Se queres ter máis a información sobre as actividades de Area Central, visita a programación mensual.