“TARDES CON UXÍA E OS PILLABÁNS” COMEZA EN AREA CENTRAL CON GRAN ÉXITO

Santiago, 8 de outubro de 2007 –A campaña lúdico-didáctica “Tardes con Uxía e os pillabáns”, organizada pola Fundación Sotelo Blanco, en colaboración coa Secretaría Xeral de Política Lingüística e Area Central, inaugurouse o pasado sábado 6 con gran éxito de asistencia. Moitos nenos se achegaron a partir das 18.00 horas para coñecer os protagonistas desta colección de libros de Sotelo Blanco Edicións, que lle da nome a esta campaña de promoción da lectura infantil en galego. Á inauguración acudiu a secretaria xeral de Política Lingüística, Marisol López, e o presidente da Fundación Sotelo Blanco, Olegario Sotelo.

Esta xornada de inauguración dará paso a dez venres e dez sábados nos que os rapaces disfrutarán de variadas actividades como contacontos, animacións e obradoiros de ilustracións, ademais de regalos de libros e outras sorpresas. Cada fin de semana a acción basearase nun dos nove capítulos desta colección de Luís Ben. Este venres 12 e sábado 13, a partir das 18.00 horas, a actividade estará centrada no primeiro dos capítulos “Uxía e os pillabáns: Atopan un can”.

Para obter máis información sobre esta campaña de promoción da lectura infantil en galego, pincha aquí.