AREA CENTRAL ENTREGA POR PRIMEIRA VEZ A SÚA CESTA XIGANTE DE NADAL

Santiago, 17 decembro -A xove Ana María Cernadas, natural de Marrozos, resultou onte a afortunada en poseer a rifa co número 10325 do sorteo das 101 cestas de Nadal de Area Central, cifra que correspondía ao lote xigante formado por diferentes agasallos procedentes dos establecementos que integran o complexo comercial. Esta é a primeira vez que Area Central entrega a súa cesta xigante.

Como noutras edicións, miles de persoas se deron cita esta fin de semana en Area Central para participar no seu xa tradicional sorteo de 101 cestas de Nadal, que cumpriu o seu sexto ano. Á media hora de que varios Papá Noeles remataran de sacar todos os números, a moza Ana María Cernadas, natural de Marrozos, apareceu diante do escenario principal coa rifa 10325 correspondente ao lote composto por varios agasallos cedidos polos establecementos do complexo comercial.

Por outra banda, os veciños de Fontiñas, que representan un número importante da clientela de Area Central, foron os máis agraciados no reparto do resto das cestas. Como nos anos anteriores, Area Central entregará as cestas que non se recolleron a diferentes entidades benéficas, como Cruz Vermella, a Cociña Económica ou Cottolengo.