AREA CENTRAL E SANTIAGOSIETE ANIMARÁN AS TARDES DOS SÁBADOS CON CLASES DE BAILE E MOVIDAS COREOGRAFÍAS

Santiago, 12 de febreiro. – Este sábado, 16 de febreiro, e ata o 15 de marzo, dará comezo en Area Central o proxecto “Escola de baile”, organizado polo xornal semanal e gratuíto Santiagosiete e o complexo comercial. Esta iniciativa buscará animar as tardes dos sábados con clases de baile e movidas coreografías grupais, a través de divertidas sesións impartidas por monitores da escola de baile Sons, de Santiago de Compostela.

Esta acción desenvolveranse en Area Central a partir das seis da tarde todos os sábados: dende o 16 de febreiro ata o 15 de marzo. Durante case dúas horas varios monitores profesionais encargaranse de animar a todos os visitantes de Area Central a que se apunten a bailar e aprender movidas coreografías grupais modernas e alegres con variados estilos de música. Os bailes serán sinxelos e fáciles de lembrar para que todo aquel que quiera participar poida facelo, sen necesidade de ter coñecementos anteriores. Os estilos de música que ensinarán os monitores da actividade serán salsa, batuka ou bachata, entre outros.

A maiores das sesións de clase, tanto o día de inauguración como de clausura da campaña os monitores da escola de baile Sons farán dúas actuacións especiais.

Todas as actividades de febreiro en Area Central poden consultarse na programación mensual.