AREA CENTRAL CONTINÚA COAS SÚAS CLASES DE “ESCOLA DE BAILE” DURANTE TRES SÁBADOS MÁIS

Santiago, 25 de febreiro. – Este sábado, 1 de marzo, a partir das 18:00 horas, celebrarase a terceira das sesións que Area Central adica a animar as tardes de cinco sábados mentres os clientes aprenden variados pasos de baile coa novidosa iniciativa “Escola de baile”, organizada polo xornal gratuíto Santiagosiete e o complexo comercial.

Esta actividade pechará o vindeiro 15 de marzo cun repaso dos pasos aprendidos nestas cinco semanas e cunha gran exhibición de baile a cargo dos monitores da escola de baile Sons, que durante os días de celebración da acción son os encargados de amosar a todos os asistentes, nenos e adultos, como se baila un chachachá, merengue ou bachata. Estes bailes son sinxelos e fáciles de lembrar para que todo aquel que quiera participar poida facelo, sen necesidade de ter coñecementos anteriores.

Todas as actividades de febreiro en Area Central poden consultarse na programación mensual.