AMPLO SEGUEMENTO DE “ESCOLA DE BAILE”, QUE FINALIZA EN AREA CENTRAL O VINDEIRO 15 DE MARZO

Santiago, 3 de marzo de 2008 – A orixinal iniciativa “Escola de baile” posta en funcionamento o pasado sábado, 16 de febreiro, en Area Central polo xornal gratuíto Santiagosiete e o complexo comercial, está sendo todo un éxito. Como se esperaba, pais cos seus fillos e grupos de amigos estanse animando a entrar na “pista de baile” de Area Central cada sábado a partir das 18:00 horas para aprender pasos dos ritmos máis coñecidos como bachata, chachachá, merengue, batuka e incluso, pasodoble, gracias aos monitores profesionais da escola de baile Sons, de Santiago de Compostela.

O vindeiro sábado 8 de marzo será a penúltima sesión de baile e o 15 de marzo celebrarase a xornada de clausura, co repaso dos pasos aprendidos nestas cinco semanas e cunha exhibición de baile a cargo dos monitores da escola Sons.

Todas as actividades de febreiro en Area Central poden consultarse na programación mensual.