CHEGA A AREA CENTRAL A III FEIRA DO LIBRO INFANTIL E XUVENIL GALEGO

Santiago, 25 de marzo de 2008 – Os vindeiros días 28, 29 e 30 de marzo Area Central acollerá a terceira edición da Feira do Libro Infantil e Xuvenil Galego, na que as editoriais galegas Sotelo Blanco Edicións, Baía Edicións e Edicións A Nosa Terra exporán as súas últimas novidades literarias, ademais de celebrarse actividades paralelas para os rapaces, como obradoiros de ilustración e contacontos.

Ao longo destes tres días Area Central convertirase na sede das letras galegas dirixidas aos máis pequenos con este evento no que tamén colabora o Consorcio Editorial Galego e que se enmarca dentro das actividades vinculadas ao Día Internacional do Libro Infantil e Xuvenil, que se conmemora o 2 de abril.

Deste xeito, ao longo desta fin de semana as persoas que se acheguen as rúas do complexo comercial poderán visitar os postos de venda de libros pertencentes as tres editoriais colaboradoras, ademais de participar nas actividades paralelas dirixidas aos máis novos, entre as que destacan presentacións de libros, obradoiros de ilustración, sesións de contacontos e obras de teatro infantil.

Velaquí o programa desta terceira edición da Feira do Libro Infantil e Xuvenil Galego:

Venres, 28 de marzo

12:00 h. Apertura da feira, exposición e venda de libros.

18:00 h. Inauguración oficial da feira por parte das personalidades das distintas administracións, representantes das editoriais e de Area Central.

18:10 h. Obradoiro infantil: O autor do libro, Anxo Fariña fará un obradoiro creativo de contacontos e ilustración co seu libro O LADRÓN DE PALABRAS. Sinatura de exemplares.

19:00 h. Contacontos: Fátima Fernández fará unha sesión de contacontos arredor do libro de Baía Edicións, ALFOMBRIÑA.

19:30 h. Presentación das novas aventuras do cabalo Branco de Cores: A REBELIÓN DAS RÚAS e HORA DE COMER. Pere Tobaruela, Ana Boullón e Miguel Vila Pernas, autores dos novos libros desta colección de Sotelo Blanco Edicións farán un obradoiro de animación á lectura e asinarán libros.

22:00 h. Peche xornada feira.

Sábado, 29 de marzo

10:00 h. Apertura da feira, exposición e venda de libros.

17:30 h. Contacontos: Abraham Carreiro fará unha sesión de contacontos arredor do libro OS CONTOS QUE LEN OUTROS NENOS DO MUNDO publicado por A Nosa Terra.

18:00 h. Obradoiro infantil de animación á lectura.

19:00 h. Contacontos: X. H.Rivadulla Corcón, autor do libro de Sotelo Blanco Edicións, fará unha sesión de contacontos arredor do seu libro sobre a natureza O SORRISO DE CLAUDIA. Sinatura de libros.

22:00 h. Peche xornada feira.

Domingo, 30 de marzo

11:00 h. Apertura da feira, exposición e venda de libros.

18:00 h. Teatro Infantil. Representación da obra MARIO, a cargo da compañía de teatro MATAPIOLLOS.

20:00 h. Clausura da III Feira do libro Infantil e Xuvenil Galego.