ÉXITO DE ASISTENCIA NO ÚLTIMO CASTING DE TOP MODEL AREA CENTRAL

Santiago, 14 de abril de 2008 O pasado venres, 11 de abril, Area Central celebrou o último dos castings para elixir aos homes e mulleres que desfilarán na pasarela de Top Model Area Central 2008 os vindeiros días 26 de abril e 3 de maio. Esta última proba de selección contou cun gran número de asistentes, preto de oitenta, que non quixeron perder esta última oportunidade para optar a ser a nova imaxe de Area Central durante un ano e que se unen ao resto dos interesados que participaron nos castings celebrados en varias discotecas de toda Galicia.

Nos vindeiros días, a organización chamará aos rapaces seleccionados e informaralles do seu paso á seguinte fase eliminatoria. Ademais, proximamente poderase consultar nesta mesma web o listado dos participantes do primeiro desfile, que terá lugar o sábado, 26 de abril, ás 20:00 horas.