CHEGA ESTA FIN DE SEMANA A AREA CENTRAL A 7ª FEIRA DISCOGRÁFICA E CINEMATOGRÁFICA

Santiago, 24 de outubro de 2008 A Feira Internacional de Coleccionismo Discográfico e Cinematográfico de Santiago de Compostela chega este ano á súa sétima edición convertida xa en cita obrigada para todos os amantes da música e as películas de todos os tempos, os próximos días 21, 22 e 23 de novembro en Area Central.

O complexo comercial acollerá preto de vinte expositores procedentes de toda España neste evento xa consolidado e considerado como un dos máis importantes que acolle o complexo comercial no ano e co obxectivo de manterse como a exposición máis importante de Galicia sobre esta temática. Durante estes tres días, os visitantes de Area Central poderán apreciar e adquirir diferentes discos, tanto en soporte CD como vinilos, e películas moi variadas a prezos alcanzables.

Esta nova edición darase por inaugurada o próximo venres 21, a partir das 12:00 horas, e continuará ata as 22:00 horas, mentres que o sábado 22 e domingo 23, os postos permanecerán abertos en horario de 11:00 a 22:00 horas. Como en outras edicións, a Feira Discográfica e Cinematográfica traerá a Area Central outras actividades paralelas.

Pode ter máis información sobre as actividades de Area Central na súa programación mensual.