A VOLTA CICLISTA DA ASCENSIÓN SAIRÁ OS TRES DÍAS DE AREA CENTRAL

Santiago, 15 de maio de 2009. - A Praza de Europa de Area Central será de novo o punto de saída da edición deste ano da Volta Ciclista da Ascensión, que se celebra os vindeiros días 21, 22 e 23 de maio. Paralelamente a esta competición ciclista, organizada pola Fundación Compostela Deporte, a Praza de Europa acollerá o  mércores 20, o xoves 21 e o venres 22 varios hinchables e carpas nas que se desenvolverán actividades dirixidas a todos os rapaces. O horario destas actividades será o mércores pola tarde e o xoves e o venres de 12:00 a 14:00 horas e de 17:00 a 20:00 horas.

Ademais, como acto integrado na Volta ciclista da Ascensión, este mércores 20, ás 19.30 horas, o escenario principal de Area Central acollerá a presentación dos 19 equipos que participarán nesta competición..

Todas as actividades de maio de Area Central podes consultalas na programación mensual.