AREA CENTRAL CONCIENCIA SOBRE OS RISCOS DE POÑERSE AO VOLANTE CANSOS CUNS SIMULADORES DE CONDUCIÓN

Santiago, 10 de xullo de 2009 - Area Central instalará o xoves 16 e ata o sábado 18 uns simuladores que, a través dun sistema informático, reproducirán a sensación de conducir baixo os efectos da fatiga para concienciar aos condutores da necesidade de descansar durante viaxes longas. Esta actividade terá un horario de funcionamento de 11.00 a 15.00 e de 17.00 a 21.00 horas.

Esta acción informativa e ao mesmo tempo lúdica e entretida forma parte da campaña "Un refresco, o teu mellor combustible,", organizada polo Real Automóbil Club de España (RACE) e a Asociación Nacional de Fabricantes de Bebidas Refrescantes Analcohólicas (ANFABRA), que ten como obxectivo previr durante este verán os accidentes de tráfico provocados polo cansazo.

Coa axuda destes simuladores de condución, os visitantes de Area Central poderán comprobar, en primeira persoa, a diferencia na capacidade de reacción dos pilotos en condicións normais e baixo os efectos da fatiga. Esta iniciativa sensibilizará aos condutores da importancia de evitar o cansancio ao volante mediante o descanso, a realización de exercicios de estiramento ou a inxesta de refrescos.

Pode atopar máis información sobre esta campaña de seguridade vial na web www.fatigayconduccion.es.

Máis información sobre as actividades de xullo de Area Central na programación mensual.