Area Central é un gran complexo multiusos cívico comercial situado en Santiago de Compostela, composto dun único edificio que, ademais de contar con máis de 150 establecementos comerciais, está integrado por máis de 50 oficinas, un hotel e 656 vivendas. A superficie comercial de Area Central acada os 30.000 metros cadrados de SBA, dato que durante moitos anos lle permitiu encabezar o listado dos centros comerciais máis grandes de Galicia; todo isto sen ter en conta os preto de 14.000 metros cadrados de corredores e rúas cubertas, asi como unha gran praza central de 10.000 metros cadrados máis. Na actualidade segue a ser un dos complexos de referencia na realidade comercial galega e un dos pioneiros no estado español na modalidade de centros comerciais integrados nos que vivendas, servizos, ocio, oficinas e comercios conviven coma un todo harmónico.

Area Central está estructurada en dúas plantas e un semisoto. Conta con dúas rúas comerciais de planta cadrada de 658 metros de longo cada unha, cubertas por unha bóveda acristalada situada a vinte metros de altura. Dende que se construiu en 1993, Area Central ofrece aos seus visitantes a oportunidade de mercar en preto de 160 establecementos comerciais distribuidos ao longo da rúa acristalada máis grande de Europa, que alberga as mellores firmas de moda actual, xoierías, tendas de decoración e complementos, franquicias nacionais e multinacionais, xogueterías, quioscos, librerías, parques e establecementos de ocio infantil, unha autoescola, centros de perruquería e beleza, perfumerías, unha parafarmacia, clínicas dentais e unha veterinaria, sala de xogos, unha bolera, establecementos de hostalería e restauración, alimentación e distintas empresas de servizos e oficinas. Esta ampla oferta se completa con sete salas de cine, un hipermercado e varias entidades bancarias.

Mais de 50 oficinas atopanse estructuradas en cinco bloques enlazados as vivendas e aos locais comerciais cunha superficie total de 15.000 metros cadrados. Area Central alberga varias dependencias administrativas da Xunta de Galicia, como a Consellería de Vivenda e Solo, a Dirección Xeral de Transportes, a Dirección Xeral de Portos, a Dirección Xeral de Xustiza, o Instituto Galego de Medicina Técnica, MeteoGalicia, a Subdirección Xeral do Patrimonio, Galicia Calidade e importantes empresas privadas coma Gas Galicia, Brent Entertaiment - Filmax ou a Dirección rexional do Banco Popular en Galicia entre outras.

Esta pluralidade de ofertas e actividades fai que en Area Central se concentren todo tipo de clientes e visitantes que acuden ao complexo comercial por moi diferentes motivos, acadando unha media diaria de 20.000 visitas, cifra que chega aos 25.000 visitantes os sábados e festivos de apertura autorizada. Esta peculiaridade fai que Area Central sexa un ente dotado de vida practicamente durante as 24 horas do dia durante todo o ano, converténdose nunha referencia inevitable da Compostela máis dinámica e moderna.